निर्माण व्यवसाय नियमावली २०५६ अनुसार “घ” बर्गको निर्माण व्यवसाय इजाजतपत्र प्राप्त गर्न हजुरको कम्पनीले निम्नलिखित सर्तहरुको पालना गर्नुपर्ने हुन्छ|

1. आर्थिक क्षमता : प्राइभेट वा पब्लिक लिमिटेड कम्पनी वा साझेदारी फर्मको रुपमा घटीमा एक लाख रुपैयाँको चालु पुंजी देखाई उद्योग विभागमा दर्ता भएको हुनु पर्नेछ । (हाल विभिन्न स्थानीय तहहरुले चालु पुँजीको सिमा ५ लाख तोकेका छन्)
2. मुख्य जनशक्ति विवरण : सिभिल इन्जिनियरीङ विषयमा प्रमाणपत्र तह उत्तीर्ण एक जना प्राविधिक, कुनै पनि विषयमा प्रमाणपत्र तह उत्तीर्ण एक जना प्रशासनिक र वाणिज्यशास्त्रमा प्रमाणपत्र तह उत्तीर्ण एकजना जनशक्तिको सेवा पूरा समय प्राप्त हुने व्यवस्था हुनु पर्नेछ ।
3. मेसिन तथा उपकरण
   • लेभल (एक थान)
   • वाटर पम्प (एक थान)
   • भाइबे्रटर (एक थान)
   • ट्रीपर र ट्रयाक्टर (एक एक थान)
   • मिक्सर मेसिन (एक थान)

इजाजतपत्रको लागि सर्तहरु –

1. उपकरणको नामावली पेश गर्दा उपकरणको स्वामित्वको प्रमाणपत्रका साथै बीमा गरेको कागजातहरु पेश गर्नु पर्नेछ ।
2. माथि उल्लिखित यान्त्रिक उपकरणहरु ठीक अवस्थामा भएको कुरा मेकानिकल इन्जिनियरि· विषयमा कम्तीमा स्नातक तहको शैक्षिक योग्यता भएको नेपाल इन्जिनियर्स एशोसिएशनको सदस्यता प्राप्त मेकानिकल इन्जिनियरले प्रमाणित गरेको हुनु पर्नेछ ।
3. माथि उल्लिखित यन्त्र उपकरणहरु दर्ता भएको मितिले घटीमा दुई वर्षसम्म बेचबिखन गर्न पाइने छैन ।
4. पन्ध्र वर्ष भन्दा बढी पुरानो यन्त्र उपकरणहरु निर्माण व्यवसायीको स्तर बृद्धि तथा नयां दर्ता हुने प्रयोजनकोलागि मान्य हुने छैन ।