कम्पनी दर्ताको प्रक्रिया संधै प्रस्तावित कम्पनीको छनोटसंगै सुरु हुन्छ|

कम्पनीको नाम छनोट गर्दा हामीले विभिन्न कुराहरुलाई ध्यान दिनुपर्ने हुन्छ|

नं १: राख्न खोजिएको प्रताबित नाम अरु कुनै कम्पनीको नाम संग मिल्छ कि मिल्दैन त्यो पत्ता लगाउने, किनकि कम्पनी ऐन अनुसार कुनै पनि दुइ कम्पनीको नाम मिल्दोजोल्दो हुनु हुदैन| उदाहरणका लागि यदि “मेरो कृषि फर्म” नाम को कम्पनी दर्ता भैसकेको छ भने हामीले यहि या “मेरो एग्रो फर्म” जस्तो नाम राख्न पाइदैन

नं २: श्री, द, नयाँ, आदि जस्ता उपसर्गहरु आफ्नो कम्पनीको नाममा जोड्न हुँदैन| उदाहरणको लागि हजुरले “ द हिमालयन टेक्नोलोजी प्रा ली” को नामबाट कम्पनी दर्ता पाउनुहुन्न|

नं ३: व्यवसायको नाम यदि विभिन्न अंग्रेजी लेटरको समायोजनबाट बनाइएको छ भने हरेक लेटरको अन्तिममा बिन्दु वा डट आवश्यक छ | उदाहरणको लागि “ABC Technology Pvt. Ltd.” राख्न पाइंदैन| यसको सट्टामा “A.B.C. Technology Pvt. Ltd.” नाम राख्नुपर्ने हुन्छ|

नं. ४: राख्न खोजिएको प्रस्तावित नाममा पछी ट्रेडमार्क तथा ब्रान्ड दर्ता गर्न मिल्छ कि मिल्दैन त्यो पत्ता लगाउने| धेरै कम्पनीले समयमा यो पक्षलाई गम्भीर भएर नलिदा पछी समस्या आउने गरेको पाइन्छ|

यति गरिसकेपछि हामीले नाम रजिस्टर्ड कार्यालयको अनलाइन पोर्टल www.ocr.gov.np मा गएर राख्न खोजिएको नाम निबेदन दिनुपर्ने हुन्छ| साधारणतया केहि दिनमा यो नाम राख्न पाइने कि नपाइने भनि कार्यालयले जानकारी गराउछ| यदि नाम अनुमोदन भएमा आवश्यक कागजात तयार पारि दर्ता प्रक्रिया अगाडी बढाउन सकिन्छ|

यदि हजुरलाई कम्पनीको नाम राख्न या चेक गर्न कुनै समस्या भएमा हाम्रो परामर्शदातालाई सिधै सम्पर्क गर्न पनि सक्नुहुन्छ |

Read This: कम्पनी दर्ता गर्नु अघि तयार पार्नुपर्ने मुख्य ५ विवरणहरु